2012, മേയ് 13, ഞായറാഴ്‌ച

സത്യമേവ ജയതേ .. സത്യം മാത്രം ജയിക്കട്ടെ


     എന്ത് രസമായിരുന്നു അത് വരെ. എനിക്ക് മൂന്നു വയസ്സായിരുന്നു. എന്നത്തേയും പോലെ അന്നും ഞാന്‍ കുളിക്കാന്‍ തയ്യാറെടുക്കുകയായിരുന്നു. മിക്കപ്പോഴും അങ്കിള്‍ ആണ് കുളിപ്പിക്കുന്നത്. എന്നാല്‍ പതിവില്ലാതെ അങ്കിള്‍ വല്ലാത്ത ഒരു നോട്ടം നോക്കുന്നത് കണ്ടു. പെട്ടെന്ന് എന്നെ അതിശയപ്പെടുത്തിക്കൊണ്ട് അങ്കിള്‍ സ്വയം വിവസ്ത്രനായി. കുളിക്കാന്‍ വേണ്ടി വസ്ത്രങ്ങള്‍ അഴിച്ചു വച്ച് വെള്ളത്തില്‍ കളിക്കുകയായിരുന്ന എന്നെ അയാള്‍ ... പിന്നെയുള്ള വര്‍ഷങ്ങള്‍... ലോകത്ത് ഞാന്‍ ഏറ്റവും പേടിച്ചത് ആണുങ്ങളെയാണ്. ഓരോ ആണും ഇങ്ങനെ ചെയ്തേക്കാം എന്ന് ഞാന്‍ ഭയന്നു. ഒടുവില്‍ പത്തു വയസ്സായപ്പോള്‍ എന്റെ അമ്മയോട് ഞാന്‍ ഇത് തുറന്നു പറഞ്ഞു. പക്ഷെ എന്റെ അമ്മ എന്നെ വിശ്വസിച്ചില്ല. അമ്മയ്ക്ക് സ്നേഹക്കുറവോ അല്ലെങ്കില്‍ വിശ്വാസം ഇല്ലാത്തത് കൊണ്ടോ അല്ല. ഇക്കാര്യം മാത്രം എത്ര പറഞ്ഞിട്ടും അമ്മ വിശ്വസിച്ചില്ല. എന്നെ ആദ്യമായി വിശ്വസിച്ചത് എന്റെ വളര്‍ത്തു നായ മിക്കി ആണ്. എന്റെ വിഷമം മനസ്സിലാക്കിയിട്ടെന്ന വണ്ണം അവന്‍ എന്റെ ഒപ്പം നടന്നു. എന്റെ കട്ടിലില്‍ കിടന്നു. ഒരു മനുഷ്യന് നല്കാവുന്നതില്‍ കൂടുതല്‍ വിശ്വാസവും സ്നേഹവും അവന്റെ മുഖത്ത് ഞാന്‍ കണ്ടു . ഒടുവില്‍ നീണ്ട പതിനൊന്നു വര്‍ഷത്തെ പീഡനത്തിന്   ശേഷം ഒരു ദിവസം ഞാന്‍ അലറിക്കരഞ്ഞു കൊണ്ട് നോ എന്ന് വിളിച്ചു കൂവി.. 
ഹരിഷ് അയ്യര്‍ - മുംബൈ 

    പ്രശസ്ത ബോളിവുഡ് താരം അമീര്‍ ഖാന്‍ അവതരിപ്പിക്കുന്ന സത്യമേവ ജയതേ എന്ന പരിപാടിയില്‍ ഇന്ന് പ്രത്യക്ഷപ്പെട്ട ഹരീഷിന്റെ വാചകങ്ങള്‍ ആണ് മേല്‍ കൊടുത്തത്. ശിശു ലൈംഗിക പീഡനത്തെ പറ്റി ആയിരുന്നു ഈ എപിസോഡ്. ഇത് പോലെ തന്നെ ശൈശവ കാലത്ത് പീഡിപ്പിക്കപ്പെട്ട പലരും അവരുടെ അനുഭവങ്ങളും അതിന്റെ ദുരന്തത്തില്‍ നിന്ന് എങ്ങനെ പുറത്തു വന്നു എന്നും ഈ പരിപാടിയില്‍ സ്വയം തുറന്നു പറയുന്നത് കണ്ടു. ആദ്യം വെറുതെ ഡ്രാമ സൃഷ്ടിക്കാനുള്ള ഒരു ശ്രമം ആയി തോന്നിയെങ്കിലും പിന്നീട് എനിക്ക് മറിച്ചാണ് തോന്നിയത്. പണം ഉണ്ടാക്കുക തന്നെ ചാനലിന്റെ ലക്ഷ്യമെങ്കിലും ഈ പരിപാടി അതില്‍ പങ്കെടുക്കുന്നവരുടെ സത്യസന്ധത കൊണ്ടും ചര്‍ച്ച ചെയ്യുന്ന വിഷയങ്ങള്‍ കൊണ്ടും തികച്ചും വ്യത്യസ്തം തന്നെയാണ്. ശിശു പീഡന വാര്‍ത്തകള്‍ ഒരുപാടു കേട്ടിട്ടുണ്ടെങ്കിലും ഇത്രയും തീവ്രമായി നമ്മളെ സ്പര്‍ശിക്കുന്ന രീതിയില്‍ ഒരുപക്ഷെ ഇതാദ്യമായിട്ടയിരിക്കും. അമീര്‍ ഖാന്റെ വളരെ യാഥാര്‍ത്ഥ്യ ബോധത്തോടെ ഉള്ള അവതരണവും പരിപാടിയുടെ നേട്ടമാണ്. പറ്റുമെങ്കില്‍ കണ്ടു നോക്കൂ 




7 അഭിപ്രായങ്ങൾ:

  1. ഇതിന്റെ ആദ്യ എപ്പിസോഡ് കണ്ടിരുന്നോ? അതും ഒരു ചര്‍ച്ച ചെയ്യപ്പേടേണ്ട വിഷയം തന്നെ . പക്ഷെ നമ്മുടെ നാട്ടില്‍ പെണ്‍ഭ്രൂണഹത്യ അത്രക്കുണ്ടെന്നു തോന്നുന്നില്ല, തന്നയുമല്ല കേരളമാണ് സ്ത്രീപുരുഷ അനുപാതത്തില്‍ മുന്നില്‍ നില്‍ക്കുന്ന ഇന്‍ഡ്യന്‍ സംസ്ഥാനം. അതുകൊണ്ടു തന്നെ ഇതിന്റെ തീവ്രതയും പരിണിതഫലങ്ങളും എന്താണെന്നൊരുപക്ഷെ പലര്‍ക്കുമറിയില്ല. ഈ എപ്പിസോഡ് കണ്ടാല്‍ ഞെട്ടിപ്പോകും. ഇങ്ങനെയുമുണ്ടല്ലൊ മനുഷ്യര്‍ എന്നോര്‍ത്ത്.

    http://www.youtube.com/watch?v=u1vASMbEEQc

    മറുപടിഇല്ലാതാക്കൂ
    മറുപടികൾ
    1. രചയിതാവ് ഈ അഭിപ്രായം നീക്കംചെയ്തു.

      ഇല്ലാതാക്കൂ
    2. കണ്ടിരുന്നു. നമ്മള്‍ ദിവസവും കേള്‍ക്കുന്ന വാര്‍ത്തകള്‍ തന്നെയാണ് അവര്‍ അവതരിപ്പിക്കുന്നത്‌. പക്ഷെ യാഥാര്‍ത്ഥ്യം എപ്പോഴും സങ്കല്പത്തെക്കാള്‍ ക്രൂരമാണ് എന്ന് ഇത് കണ്ടപ്പോ മനസ്സിലായി.

      ഇല്ലാതാക്കൂ
  2. The first episode was more cruel if feel.Aamir would make his profits, but definitely he would start a rebellion too.

    മറുപടിഇല്ലാതാക്കൂ
    മറുപടികൾ
    1. Amir is not that money minded like SRK and all. You know what this guy asked his brand managers to do ? He asked them to avoid him shown in the commercials and advised them to highlight the issues.

      ഇല്ലാതാക്കൂ
  3. ഈ episode കണ്ടിരുന്നു ദുശു ,ശരിക്കും സങ്കടം വന്നു പോയി. ഈ വിഷയം ഇപ്പൊ നമ്മുടെ നാട്ടിലും ഒരു പാട് കേള്കാരുന്ടെങ്കിലും ഇത്രേം വേദന, അപമാനം അവര്‍ അനുഭവിക്കുനുണ്ട് എന്ന് മനസിലായത് ഇത് കണ്ടപോ ആണ് .ഞാന്‍ g പ്ലസ്‌ ല് ഇതിനെ പറ്റി ഒരു ചര്‍ച്ച ഇട്ടിരുന്നു. നമ്മുടെ കുട്ടികളെ രക്ഷിക്കാന്‍ എന്തെങ്കിലും ചെയ്യണ്ടേ .

    മറുപടിഇല്ലാതാക്കൂ