Thursday, September 23, 2010

മമ്മൂട്ടി.. വല്ല കാര്യവുമുണ്ടായിരുന്നോ ഇങ്ങനെ പറയിക്കാന്‍...

     നിങ്ങള്‍ അറിഞ്ഞില്ലേ നമ്മുടെ സൂപ്പര്‍ സ്റ്റാര്‍ മമ്മുക്കയെ പറ്റി ഒരു നിര്‍മാതാവിന്റെ അഭിപ്രായം ? 
മമ്മുട്ടി വന്‍ അഹങ്കാരി ആണെന്നും അഭിനയിക്കാന്‍ അറിയാത്തവനും ആണെന്ന് വന്ദേമാതരം എന്ന തമിഴ് സിനിമയുടെ നിര്‍മാതാവായ ഹെന്‍ട്രി അഭിപ്രായപ്പെട്ടിരിക്കുന്നു. കോടികള്‍ മുടക്കി നിര്‍മിച്ച ഈ ചിത്രത്തിലെ പല രംഗങ്ങളും മുറിച്ചു മാറ്റേണ്ടി വന്നുവത്രേ. എന്താ കാരണം എന്നറിയാമോ ? മമ്മുക്ക ആ ആക്ഷന്‍ സീനുകളൊക്കെ അഭിനയിച്ചു കുളമാക്കിയത്രേ. മമ്മൂട്ടിയുടെ അഹങ്കാരവും കഴിവുകേടും കൊണ്ട്  തനിക്കു നഷ്ടം ഉണ്ടായെന്നാണ് ചേട്ടന്‍ പറയുന്നത്. മമ്മൂട്ടിയെ വച്ച് ഇനി പടം എടുക്കാന്‍ താനില്ല എന്നും പുള്ളി പ്രസ്താവിച്ചു. എന്തായാലും ആക്ഷന്റെ കാര്യത്തില്‍ 
അര്‍ജുന്റെ ഒപ്പം പിടിച്ചു നിക്കാന്‍ മമ്മൂട്ടിക്ക് പറ്റും എന്ന് സത്യം പറഞ്ഞാല്‍ എനിക്കും തോന്നുന്നില്ല. തന്റെ ദേഹത്തിനു ചതവ് പറ്റുന്ന രീതിയില്‍ മമ്മുക്ക ഇത് വരെ ഒരു പടത്തിലും അഭിനയിച്ചു കണ്ടിട്ടില്ല. എന്തിനു, നടിമാരെ പുള്ളി തൊട്ടു നോക്കുക പോലും ചെയ്യാറില്ല. നായികയെ കെട്ടിപ്പിടിച്ചു 
കിടക്കയിലേക്ക് മറിഞ്ഞു വീഴുന്ന ഒരു രംഗം പോലും പുള്ളി അഭിനയിച്ചു കണ്ടിട്ടില്ല.

അപ് അപ് അപ് 

 

തൊട്ടു തൊട്ടില്ല. തൊട്ടു തൊട്ടില്ല.. പൂവിട്ടുവല്ലോ മേലാകെ ..

അപ്പനും മോളെയും പോലെ ഉണ്ട് അല്ലേ ?

ഇനി ഖുശ്ബു, ഷക്കു മുതലായ ഇരുത്തം വന്ന നടിമാരുടെ ഒപ്പം ഈ ചേട്ടന്‍ അഭിനയിക്കാത്തത് അവര്‍ ദേഹത്ത് മറിഞ്ഞു വീണു തനിക്കു വല്ലതും പറ്റിയാലോ എന്ന പേടി കൊണ്ടാണോ എന്ന് എനിക്ക് പലപ്പോഴും തോന്നിയിട്ടുണ്ട്. മൌനം സമ്മതം എന്നൊരു തമിള്‍ സിനിമ ഉണ്ട്. അതിലെ ഒരു പാട്ടുണ്ട്. ഒരു രാജ വന്താനാ .. എന്ന് തുടങ്ങുന്ന ഒരു ഗാനം. അതില്‍ അമലയുടെ ഒപ്പം പുള്ളി കാഴ്ച വച്ചിട്ടുള്ള അഭിനയം ( ? ) കണ്ടു നോക്കണം. പ്രേമ പരവശയായി നില്‍ക്കുന്ന അമലയുടെ ചുറ്റിനും നടക്കുന്ന ഒരു രംഗം ആണ്. അത് കണ്ടാല്‍ ഓര്‍മ വരുന്നത് വില്ലേജ് ഓഫീസില്‍ നിന്നു ചങ്ങലയുമായി വസ്തു അളക്കാന്‍ വരുന്നതാണ്. ഓരോ മൂലയ്ക്ക് പോയി ആങ്കര്‍ ചെയ്തിട്ട് അവിടെ നിന്നു അമലയുടെ ദേഹത്ത് തൊടാതെ വന്‍ പ്രകടനം. ഭാവങ്ങള്‍ വാരി വിതറി അത് നശിപ്പിച്ചു പണ്ടാരമടക്കി. എന്തൊക്കെ പറഞ്ഞാലും ഇത് മമ്മൂട്ടിയുടെ ഒരു പരിമിതി തന്നെയാണ്. തന്നിലെ നടനെ വ്യക്തി ഭരിക്കാന്‍ വരുന്നത് കൊണ്ടാണ് ആ കഥാപാത്രത്തില്‍ മമ്മൂട്ടി എന്ന മനുഷ്യന്‍ ആധിപത്യം സ്ഥാപിക്കുന്നത്. 

 അതേ സമയം ലാലേട്ടന്‍ ശിക്കാരില്‍ നമ്മുടെ യുവ നടന്മാര്‍ തോറ്റു പോകുന്ന രീതിയില്‍ ആക്ഷന്‍ ചെയ്തിട്ടുമുണ്ട്.  മാത്രമല്ല ചോട്ടാ മുംബൈ എന്ന പടത്തില്‍ ഷക്കു ചേച്ചിയോടൊപ്പം ലാലേട്ടന്‍ അഭിനയിക്കുകയും ചെയ്തു ( ഇതിനു വളരെ മുമ്പ് ഷക്കു ഒരു അഭിമുഖത്തില്‍ പറഞ്ഞിരുന്നു ലാലേട്ടന്റെ ഒപ്പം ഒരു പടതിലെങ്കിലും അഭിനയിക്കാന്‍ താല്പര്യം ഉണ്ടെന്നു. അന്ന് എല്ലാവരും പുള്ളിക്കാരിയുടെ അതിമോഹം എന്ന് പറഞ്ഞു കളിയാക്കി. ). ഞാന്‍ ഒരു ലാലേട്ടന്‍ ഫാന്‍ ആയതു കൊണ്ടാണ് ഇങ്ങനെ പറയുന്നതെന്ന് നിങ്ങള്ക്ക് തോന്നിയെങ്കില്‍ തെറ്റി. മമ്മുക്കയുടെ പടത്തിനു കൂവുമെങ്കിലും ലാലേട്ടന്റെ പടത്തിനു ആദ്യ ദിവസം തന്നെ പോവുമെങ്കിലും ഞാന്‍ ഒരു ലാലേട്ടന്‍ ഫാന്‍ അല്ലേയല്ല. താഴത്തെ പടങ്ങള്‍ ഒന്ന് നോക്കു. 

സ്നേഹയുടെ മുഖത്തേക്ക് നോക്കു. അതാണ്‌ കെമിസ്ട്രി 
ഹമ്മേ ..!!
     എനിക്കിത് വരെ മനസ്സിലാകാത്ത ഒരു കാര്യം ഉണ്ട്. മലയാള സിനിമയിലെ മാത്രമല്ല ശരാശരി മലയാളി പെണ്ണുങ്ങളുടെ മനസ്സിലെ പൌരുഷത്തിന്റെ പ്രതീകം ആണ് മമ്മൂട്ടി എന്ന് പല സര്‍വേകളും രേഖപ്പെടുത്തിയിട്ടുണ്ട്. പലരും പറഞ്ഞു നടക്കുന്നുമുണ്ട്. ഗൌരവം മാത്രമല്ല, പ്രേമം, കരച്ചില്‍, ഭയം അങ്ങനെ എല്ലാം മാനുഷികമായ വികാരങ്ങള്‍ ആണ്. അല്ലാതെ ദേഹം കേടാക്കാതെ , അനക്കാതെ കൂളിംഗ് ഗ്ലാസ് വച്ച്  നടക്കുന്നതാണോ പൌരുഷം ?
 അങ്ങനെ ആണെങ്കില്‍ അതിനേക്കാള്‍ അത് ചേരുന്നത് നമ്മുടെ ബേബി സൂപ്പര്‍ സ്റ്റാര്‍ ആയ പ്രിഥ്വിരാജിനല്ലേ ? അവന്‍ തന്നെ അത് സ്വയം പറഞ്ഞു നല്ല പബ്ലിസിറ്റി കൊടുക്കുന്നുമുണ്ട്‌. ഉള്ള സത്യം പറയാമല്ലോ ഇത് വരെ കണ്ട നടന്മാരില്‍ അങ്ങനെ ഒരു  ഫീല്‍ ഉണ്ടാക്കാന്‍ കഴിവുള്ള നടന്‍മാര്‍ ചുരുക്കമായിരുന്നു. സത്യന്‍, ജയന്‍, രതീഷ്‌, ജനാര്‍ദനന്‍ , പ്രതാപ ചന്ദ്രന്‍ തുടങ്ങിയ പഴയ നടന്മാര്‍. അതേ സമയം നമ്മുടെ പുതു തലമുറ നടന്മാരില്‍ അങ്ങനെ എത്ര പേര്‍ ഉണ്ട് ? കൂടുതലൊന്നും ആലോചിക്കണ്ട. വെറും ഒരു മന്ത്രി വേഷം ഭംഗിയായി അവതരിപ്പിക്കാന്‍ കഴിവുള്ള എത്ര പേര്‍ ? ഒരു ഡി അയി ജി റോള്‍ അഭിനയിക്കാന്‍ ആരുണ്ട്‌ ? അങ്ങനെ ഒന്ന് ചിന്തിച്ചു നോക്കു. എനിക്കാരെയും കിട്ടുന്നില്ല. നിങ്ങള്‍ കണ്ടു പിടിക്കു. 

     ഹെന്‍ട്രി അങ്ങനെ നമുക്ക് ചിന്തിക്കാന്‍ പുതിയ ഒരു വിഷയം ഇട്ടു തന്നതാണെന്ന് വിചാരിച്ചാല്‍ മതി. പുള്ളി എങ്ങനേലും ജീവിച്ചു പൊയ്ക്കോട്ടേ. നമ്മുടെ നടന്‍ വിജയ കുമാറിന്റെ അപ്പന്‍ ആണ് ഹെന്‍ട്രി. വിജയകുമാര്‍ ഇപ്പൊ പല പോലിസ് കേസിലും പെട്ട് ആകെ കുഴഞ്ഞു മറിഞ്ഞു നടക്കുകയാണല്ലോ. അപ്പോഴാണ്കൂ നിന്‍ മേല്‍ കുരു പോലെ കഷ്ടപ്പെട്ട് നിര്‍മിച്ച ഒരു പടം മമ്മുക്ക അഭിനയിച്ചു കുളമാക്കിയത് . എങ്ങനെ ദേഷ്യം വരാതിരിക്കും. ഈ ചേട്ടനാണ് പണ്ട് യവനിക എന്ന പടം എടുത്തത്‌. അഹങ്കാരം തോറ്റു തീണ്ടിയില്ലാത്ത മമ്മുക്ക ആയിരുന്നു അതിലെ നായകന്‍. ഇനി പുള്ളിക്ക് വിലക്ക് വരുമായിരിക്കും. കുറച്ചു നാള്‍ മുമ്പ് വിനയന്‍ ഇതേ അഭിപ്രായം മമ്മൂട്ടിയെ പറ്റി അടിച്ചിരുന്നു. എന്താണാവോ സത്യം. ഇവരുടെ ഒക്കെ ഉള്ളിലിരുപ്പ് പാവം നമുക്ക് എങ്ങനെ അറിയാം. എന്തായാലും മലയാള സിനിമ കീ ജയ് 

10 comments:

  1. ദുശ്ശൂ മാമൂ... സംഗതി കലക്കി...

    മമ്മൂട്ടിയുടെ പരിമിതികളെ ഈ പോസ്റ്റ്‌ എടുത്തു കാട്ടുന്നു. അദ്ദേഹം ഒരു നല്ല അഭിനേതാവ് എന്നതില്‍ ഒരു സംശയവും ഇല്ല. പക്ഷെ ഫാന്‍സ്‌ കള്‍ കൊട്ടി ആഘോഷിക്കുന്നത് പോലെയുള്ള "എല്ലാം തികഞ്ഞ നടന്‍ " ( The Complete Actor) എന്ന വിശേഷണം അദ്ദേഹത്തിനു ചേരുന്നില്ല. അതിലെ ഒരു കാരണമാണ് താങ്കള്‍ ഈ പോസ്റ്റില്‍ പറഞ്ഞിരിക്കുന്നത്.

    നന്നായി
    'കാച്ച'റഗോടന്‍

    ReplyDelete
  2. ആരെടാ മമ്മൂക്കയെ പറ്റി കുറ്റം പറയുന്നേ...നാളെ വഴിക്ക് ഇറങ്ങി നടക്കെണ്ടാതാട്ടാ

    ReplyDelete
  3. This comment has been removed by the author.

    ReplyDelete
  4. മമ്മൂട്ടിയെ തെറി പറഞ്ഞ ദുശാസനും, തെറി പറഞ്ഞവനെ തെറി പറഞ്ഞ അനോണിക്കും സപ്പീടെ ഭാവുകങ്ങള്‍...

    ReplyDelete
  5. Mammootty has got limits. Thilakan has already commented that he doesnt know acting.

    ReplyDelete
  6. പറഞ്ഞത് തികച്ചും വാസ്തവമാണ് ..
    പൂര്‍ണമായും താങ്ങളോട് യോജിക്കുന്നു..

    ReplyDelete